نئی دہلی،22؍دسمبر(ایس او نیوز؍آئی این ایس انڈیا) سپریم کورٹ نے کہا ہے کہ سرکاری ملازمتوں میں عمومی زمرہ کی آسامیاں ہر طبقے کے لیے دستیاب ہیں۔ اس میں پسماندہ طبقات (او بی سی) اور شیڈیولڈ ذات (ایس سی) اور شیڈول ٹرائب (ایس ٹی) بھی شامل ہیں۔ جسٹس یو یو للت ، جسٹس رویندر بھٹ اور جسٹس ہریشکیش رائے پر مشتمل ایک بینچ مخصوص طبقے کے مستحق امیدواروں کو عام قسم میں شامل کرنے سے انکار کرتا ہے اور پھر اس نوکری کے لیے انتخاب سے انکارکیاجانافرقہ وارانہ ریزرویشن کی طرح ہوگا۔ جسٹس للت نے اپنے اور جسٹس رائے کے لیے لکھے گئے فیصلے میں کہاہے کہ مخصوص طبقات کے امیدوار عام قسم میں انتخاب کے حقدار ہیں۔

یہ بات بھی اچھی طرح سے قبول کی گئی ہے کہ اگر مخصوص زمرے سے تعلق رکھنے والے ایسے امیدواروں کو ان کی قابلیت کی بنیادپرمنتخب کرنے کا حق حاصل ہے تو ان کے انتخاب کو وہ مخصوص زمرے کے کوٹہ میں نہیں شمار کیا جاسکتا جس سے وہ تعلق رکھتے ہیں۔ ایک علیحدہ تحریری اتفاق رائے کے فیصلے میں کہاہے کہ کھلا طبقہ کوٹہ نہیں ہے بلکہ تمام خواتین اور مردوں کے لیے یکساں طور پر دستیاب ہے۔ یہ فیصلہ متعلقہ دوامیدواروں کی طرف سے دائر درخواست پرآیاہے جنہوں نے اترپردیش میں کانسٹیبلوں کے انتخاب کے لیے 2013 کے امتحان میں حصہ لیاتھا۔او بی سی ویمن زمرہ سے امیدوار سونم تومر نے الزام لگایاہے کہ انہوں نے نوکری ملنے والی عام زمرہ کی خاتون امیدوار سے زیادہ نمبر حاصل کیے ہیں۔

عدالت نے اپنے فیصلے میں کہاہے کہ اس انتظام کا اختتام تمام انتخاب کو کالعدم قرار دے گا اور حکام کو پوری مشق کو دوبارہ شروع کرنے کی ہدایت کرے گا۔ عدالت نے کہا ہے کہ تاہم اس حقیقت کو مد نظر رکھتے ہوئے کہ منتخب امیدواروں کو تربیت دی گئی ہے اور وہ فی الحال نوکری میں ہیں اور ابھی بھی کافی تعدادمیں آسامیاں دستیاب ہیں۔لہٰذاہم یہ راحت دے رہے ہیں۔عدالت نے ریاستی حکومت کو ہدایت کی ہے کہ وہ تمام اوبی سی خواتین کیٹیگری کے امیدواروں کوخط جاری کریں جنہوں نے عام قسم کے منتخب کردہ خواتین امیدواروں سے زیادہ نمبرحاصل کیے ہیں۔